أقسم بلله العظيم أقسم بلله العظيم أقسم بلله العظيم أن لا أسرق هذا الموضوع ابدا
وهيك بأمن عليكن يا أصحاب المواقع بعد ما أقسمتو وبتمنا الي بدو ينقل الموضوع يذكر المصدر لأن صدقوني الي رح شوفو سارق اي موضوع رح ربيه وامسح الاراضي فيه وانا مسؤول عن كلامي
يسعد اوقاتكن اصدقائي شرفتوا موقعي بزيارتكن
هاد الموضوع اهداء من موقع شمس سوريا لإنهاء استغلال بعض الناس لقصة بيع البرامج وهي الطريقة شاملة لجميع الأجهزة
بس لازم يكون عندك كمبيوتر حصرا لأنه الو جزء مهم من طريقتنا
بداية لازم يكون عنكن على الموبايل هاد البرنامج نزلوه وبعدا بنكفي شرح
بعد ماحملتو بتشغل كمبيوترك وبتجيب نسخة سيريا تولك جافا وإذا ماعندك حملها من الانترنت عن طريق الكمبيوتر حصرا
بس تحملا حطها عسطح المكتب وافتحها ببرنامج
Winrar
حصرا
افتحو بدون ماتفك ضغط البرنامج وفوت عمجلد
META-INF
بتلاقي جواتو مستند نصي
فتحو ونزيل لعند كلمة
NAME
امسح الموجود وحط الاسم الي بدك تسمي البرنامج فيه وسكر مستند النص واحفظ التغييرات
بنرجع علصفحة الأولى
وبننزل عمستند نص موجود بين الملفات اسمو
conference
هاد فيه رومات البرنامج الأساسية امسح الموجود وعدل عكيفك
بدك تعدل صور البرنامج وقت تسجيل الدخول
رح تلاقي اربع صور ترتيبن تحت بعض بلأسماء التالية:
rocket-2-1
rocket-2-2
rocket-2-3
rocket-2-4
حددن واكبوس كنترول مع سي
ctrl+c
وهي وظيفتها نسخ الي محددو
صغر ال
winrar
وحط خيارات بزر الفارة اليمين واختار لصق بتلاقيهن نزلوا عندك عسطح المكتب
وانت وشطارتك بقا بتعديل الصور عدل فيهن
بس الأفضل والأسهل التعديل ببرنامج الرسام
بس ملاحظة مهمة لازم المحافظة عحجم الصورة لتضل متناسقة مع عرضها ضمن البرنامج..
وبس تخلص تعديلن انسخن ورجاع لبرنامج
WINRAR
واكبوس
ctrl+v
وهي اختصار للأمر لصق بس طبعا قتل ماتلصقن لاتنسا تحذف الصور القديمة....
الصور الي ممكن تعدلها كمان
ICON
وهي الصورة الخارجية للبرنامج..
CHAT
وهي الصورة الي بتطلع وقت تفتح محادثة جديدة قبل ماتحكي شي ابدا..
Talko
وهي اول صورة بتطلع وقت تفتح البرنامج
وهيك بنكون خلصنا من اول جزء
المرحلة التانية بترجع بتكبر برنامج
WINRAR
وبتفوت مجلد
Talkonaut
وبتحدد 5 ملفات او متل مابتتسمى كلاسات
اسمائن
ai
at
bc
cw
et
وبترجع بتكبس
ctrl+c
وبتنسخن وبتحطن بمجلد جديد عسطح المكتب
بتوصل موبايلك او كرت الذاكرة الخاص بموبايلك عكمبيوترك وبتنسخ المجلد الي فيه الكلاسات عمجلد ضمن الكرت
انتبه نسخ مو قص
وهلق اجا دور برنامج
class editor
فتحو
وفوت علحافظة الي فيها الكلاسات
وعدلن عكيفك وعمهلك وانتبه اي خطأ فيهن بينضرب البرنامج كلو
وإذا خربت واحد ارجاع انسخو من المجلد الجديد الي عسطح المكتب
وبس تخلص تعديل
ارجاع علكمبيوتر
انقول الكلاسات بانك تنسخن
وترجع تحطن بمجلدن
talkonaut
طبعا بعد ماتحذف القداما عن طريق
ctrl+v
وهي اختصار للصق
ونحنا عم نستخدم الاختصارات لأن ضمن برنامج
winrar
مابنقدر ننسخ ولا نلصق بلخيارات ونحنا مابدنا نفك ضغط البرنامج
وبعد ماتخلص هلخطوات بتكون خلصت كلشي وماعليك الا تجرب
انتهى الشرح بتمنا الجميع يكون استفاد وفهم...
وفي حال حدوث اي خطأ او بدك اي استفسار ضيفني وما رح قصر معك أكيد ورح ساعدك
